Jeta Osh Qef
Home

Dy persona vdiqën dje në liqen, por çmenduria e këtij djali në Shkodër është për të vënë duart në kokë
Nga: . | Publikuar më: 12.01.2017, 11:12

  • Share
  • Share
  • Share
  • Share

Dita e djeshme ka qenë një ditë e zezë për dy familje. Një 40-vjeçar në Fier, babai dy fëmijëve ka humbur jetën, pasi kaloi mbi akullin e një liqeni dhe përfundoi brenda tij.

Po e njëjta ngjarje ndodhi edhe në Tiranë me dy fëmijë, motër e vëlla, 12-vjeçari humbi jetën, ndërsa motra e tij arriti që të shpëtonte.

Ndërsa disa foto që kanë mbërritur pranë "JOQ" tregojnë se ndërgjegjësimi i njerëzve pas këtyre dy ngjarjeve të rënda është zero. Një i ri ka rrezikuar jetën e tij duke kaluar me gjithë makinën në liqenin e ngrirë të Shkodrës.

Një akt që mund t'i kushtonte atij jetën, por nuk ka qenë i vetmi, shumë persona e kanë kthyer një mënyrë argëtimi ngrirjen e liqeneve, rezervuarëve apo kanaleve pa e kuptuar se po luajnë me jetën e tyre.